Fórmate e impulsa a túa carreira profesional

Cursos online gratuítos para persoas trabaladoras, autónomas e desempregadas de Galicia

A Consellería de Promoción do Emprego e Igualdade e a Fundación Cluster de Empresas de Automoción de Galicia (CEAGA), poñen en marcha un convenio de colaboración para a realización de accións formativas co obxectivo de impulsar e promover as oportunidades e o futuro profesional das persoas ocupadas e desempregadas de Galicia. 

Esta formación impártese en modalidade en liña, necesitarás un computador e conexión fluída a internet. Con ela poderás:

• Mellorar o teu perfil profesional: completa os teus coñecementos para emprender novos retos e proxectos.
• Especializarte e posicionarte como experto/a: en todos os sectores existe unha dura competencia, por iso é fundamental estar ben formado/a para estar ao día de todos os cambios e novidades do mercado laboral.
• Aumentar a produtividade: optimiza o tempo e tarefas coa mellora das túas habilidades e talento profesional.

Esta formación está 100% subvencionada pola Xunta de Galicia e o Ministerio de Educación e Formación Profesional, o que significa que non consome créditos de formación e que non che custará nin un euro. Unha vez finalizada a formación, obterás un diploma que certifica o correcto aproveitamento do curso.

Consulta a continuación a oferta de cursos dispoñibles e solicita a túa praza nun clic!